gan
Lowri Jones
Mewn blwyddyn lle mae golygon cymaint ohonom wedi troi at ein milltir sgwâr, rydym wedi gweld cynnydd anhygoel yn y defnydd o’r gwefannau bro. Mae’r 7 gwasanaeth lleol-iawn wedi bod yn ffynhonnell amhrisiadwy o straeon, gwybodaeth a difyrrwch i gymaint o bobol eleni. Maent hefyd wedi bod yn gofnod o sut fu bywyd pobol a’n cymunedau yn ystod un o’r blynyddoedd mwyaf rhyfedd mewn cof.
Er gwaetha’r Covid – y canslo a’r diffyg dod ynghyd arferol – cyhoeddwyd dros 1230 o straeon bro yn 2020, ac erbyn hyn mae dros 430 o bobol leol wedi cyhoeddi stori ar eu platfform lleol.
I ddathlu hynny, bydd Bro360 yn cynnal seremoni wobrwyo ym mis Ionawr, lle byddwn yn cyhoeddi eich hoff straeon chi ar bob gwefan fro!
Rhestr fer DyffrynNantlle360
Dyma’r 6 stori fwyaf poblogaidd (yn ôl yr ystadegau) ar DyffrynNantlle360 eleni. Porwch trwyddynt, a phleidleisiwch trwy bwyso’r botwm ’diolch’ ar waelod eich hoff stori.
- Addasu i’r normal newydd yn Poblado Coffi – Sion Hywyn Griffiths
Addasu i’r normal newydd yn Poblado Coffi.
Agor caffi awyr agored yn Poblado coffi, i ail-gysylltu hefo pawb ar ol y clo mawr.
- Capten newydd clwb Nantlle Vale – Begw Elain
- Ceisio lleihau gwastraff bwyd ym Mhenygroes – Greta Fflur a Geraint
Ceisio lleihau gwastraff bwyd ym Mhenygroes
Cyfweliad i ddod i nabod Geraint- Swyddog Bwyd a Lles newydd Yr Orsaf
- Derbyn grant dros hanner miliwn o bunnoedd i fynd i’r afael â newid hinsawdd yn y Dyffryn – Greta Fflur
Derbyn grant dros hanner miliwn o bunnoedd i fynd i’r afael â newid hinsawdd yn y Dyffryn
Siop Griffiths, Penygroes yw un o’r partneriaid cymunedol sy’n rhan o’r prosiect cyffrous newydd.
- Sut effeithiodd Covid ar rai o chwaraewyr Nantlle Vale? – Begw Elain
Sut effeithiodd Covid-19 ar rhai o chwaraewyr tîm cyntaf CPD Nantlle Vale?
“Dwi methu aros i tymor yma gychwyn oherwydd mae’n teimlo yn fwy broffesiynol.Mae Sion a Dan yn gweithio yn dda iawn efo’i gilydd, mae’r ffordd mae’r ddau yn siarad gyda ni’r chwaraewyr yn fwy bositif ac wedi dod a ni yn agosach fel tîm”-Ashley Owen
Felly, dyna’r 6 ddaeth i’r brig o ran yr ystadegau. Ond pa un sy’n dod i’r brig i chi?
Pleidleisiwch, trwy…
- mewngofnodi neu ymuno â’r wefan hon (creu cyfrif)
- mynd i’ch hoff stori
- pwyso’r botwm ’diolch’ ar waelod y stori honno (neu hoffi’r fideo Facebook os dyna eich dewis)
Bydd eich hoff stori ar DyffrynNantlle360 yn cael ei chyhoeddi mewn seremoni wobrwyo arbennig ddiwedd mis Ionawr.