gan
angharad tomos
Gyda arwyddion croeso i’r Eisteddfod yn codi fel madarch mewn gwahanol bentrefi yn arwain at Foduan, mae Dyffryn Nantlle eisiau bod yn rhan o’r paratoi.
Yng nghysgod y gromlech ar gylchfan y Co-op, mae dau dderwydd yn cysgodi rhag yr elfennau. Rhyngddynt mae rhestr o feirdd y dyffryn sydd wedi ennill ers 1902. Beirdd enillodd y Gadair ar y chwith, a beirdd a enillodd y Goron ar y dde. Fu dyffryn neu fro arall efo cynifer o feirdd? Mae’n wir fod Parry-Williams wedi helpu’r rhestr yn ddirfawr drwy ennill y dwbl ddwywaith.
Tybed pwy fydd yn ennill y Gadair a’r Goron yn 2023? Tro nesaf ewch i’r Co-op, codwch law ar y ddau dderwydd. Ac os oes gennych awydd addurno eich cartref neu eich pentref, ewch ati. Fydd hi ddim yn hir rŵan!