Ragflas gemau Mis Awst CPD Nantlle Vale

Tra mae’r tîm cyntaf yn paratoi ar gyfer y tymor newydd, dyma ragflas o’r gemau sydd i’w ddod ar ddechrau tymor newydd sbon yn nhrydedd adran o’r Gymdeithas Pêl-droed Cymru. ⚽⬇

Llannefydd v Nantlle Vale 5/8/23, Cae Llanefydd. Cic gyntaf 14:30-
Bydd gem gyntaf o’r tymor oddi cartref yn erbyn LLannefydd sy’n newydd i’r gynghrair hon, nid yw’r timau ddim wedi chwarae ei gilydd ers sbel felly yn siŵr o fod yn gêm gyffrous. CPD Llannefydd FC

Nantlle Vale v Pwllheli 8/8/23, Maes Dulyn. Cic gyntaf 18:30
Braf iawn fydd croesawu gwrthwynebwr lleol nol i’r gynghrair, fydd eto yn gêm gyffrous i’r hogiau ar ddechrau’r tymor. CPD Pwllheli FC

Nantlle Vale v Brickfield Rangers 12/8/23. Maes Dulyn, Cic gyntaf 14:30
Yn ein trydedd gêm o’r tymor byddwn yn croesawu Brickfield Rangers i Faes Dulyn. Rydym bellach yn hen law ar chwarae’r tîm yma ac yn edrych ‘mlaen i’r gêm. O ganlyniad i’r tri allan o bum buddugoliaeth gafodd y tîm cyntaf yn eu herbyn tymor diwethaf. Brickfield Rangers

Llanrwst v Nantlle Vale 15/8/23 Gwydir Park. Cic gyntaf 18;30
Byddwn yn gorffen y mis yn chwarae Llanrwst oddi cartref mewn gêm ganol wythnos. Yn y gorffennol, mae ein gemau yn erbyn Llanrwst wedi bod yn llawn goliau ac yn anrhagweladwy felly edrychwn mlaen i’r gêm yna.Tymor diwethaf dim ond 4 pwynt roedd rhwng y ddau dîm yn gorffen y tymor! CPD Llanrwst United FC

Ar ddechrau tymor newydd, rydym yn chwilio am wirfoddolwyr fysa gallu ein helpu diwrnodau gêm. Does dim rhaid ymrwymo bob wythnos, rydym yn croesawu unrhyw un i ein helpu ar unrhyw achyslur i sicrhau llwyddiant y clwb. Cysylltwch os hoffwch helpu neu gyda diddordeb noddi. Rydym fel clwb yn gwerthfawrogi bob help a chefnogaeth.

Diolch, edrychwn ‘mlaen i weld chi gyd yn y gemau!

Gyda’n gilydd yn gryfach💙

Poblogaidd

Digwyddiadau

Gŵyl

Marchnad Lleu

Neuadd Goffa Penygroes

10:00, 18 Mai (Roedd ‘na ddigon i wneud yn y Farchnad mis Ebrill rhwng y stondinau amrywiol – caws gafr, llysiau, cacennau, crefftau a phlanhigion. Daeth Tyddyn Teg o Fethel i werthu llysiau a rhannu gwybodaeth am eu cynllun Bocsus Llysiau. Mae sawl maint ar gael a gellir archebu a mi fydd yn bosib eu codi o’r Farchnad. Yn y Caffi roedd cyfle i gael brecwast o roliau bacwn neu wy ac yna cinio o chili llysiau, pizza cartref hefo madarch neu lysiau – a blasus oeddent ‘fyd. Gwerthwyd sawl cacen hefo paneidiau o de a choffi. Bwrdd rhannu gwybodaeth mis yma oedd ‘Gofyn i Mi’, o dan ofal Sian sy’n gweithio i fudiad Cymorth i Ferched. Roedd ganddi bosteri, cardiau a chyfle i rannu gwybodaeth ar pa gymorth sydd ar gael i oresgyn trais yn y cartref. Diolch iddi am ddod atom. Daeth criw at eu gilydd i stafell Yr Aelwyd i ddysgu dawnsio Salsa hefo Josie, rhaid oedd symud y traed gan gyfri a chofio pob math o symudiadau (sôn am chwerthin!) Mae sawl un o’r criw am fynd i Glwb Salsa Bangor gan eu bod wedi joiio cymaint. Stondin y Mis oedd prosiect Gardd Nant sydd wedi cychwyn yn Nhalysarn. Cafwyd cyfle i drafod y prosiect tra’n prynu tombola, llyfrau a chydig o waith llaw. Gobeithio eu bod wedi cael lot o bres ar gyfer eu cynlluniau. Yn y neuadd fawr cynhaliwyd cystadleuaeth plannu hadau blodau haul a bydd yn cael ei feirniadu fis Medi. Rhannwyd taflen i ddangos pwysigrwydd y planhigyn i ni. Hefyd yn y neuadd roedd Gwyneth wedi gadael ei bwrdd gwerthu – Bocssebon, i ddangos sut i wneud papur yn defnyddio papur wedi’i falu’n fân, dail a hâd a dwr. Pawb wedi mwynhau ac yn browd iawn o’u papur. Diddorol iawn wir. Diolch i’r stondinwyr am ddod atom ac i bawb am gefnogi eich marchnad leol.m ddim)