Dylan Williams yn symud yn ei flaen-CPD Nantlle Vale

⚪️Dylan Williams yn gadael y clwb?

Yn dilyn y cyfnod hyfforddi gyda’r ail-dim yn Vale mae Dyl wedi penderfynu rhoi cynnig arni i chwarae eto tra dal yn ifanc.

Dylan yn gyn capten i’r clwb, sydd wedi rhoi blynyddoedd o berfformiadau cadarn i’r Fêl?

Roedd Dyl yn allweddol i lwyddiant tîm Craig a Sgipar a lwyddodd cael ei dyrchafu o’r ‘Welsh Alliance 2’ i’r ‘Welsh Alliance 1.’ Mae hefyd wedi sgorio ambell i gic rydd wych gyda’i droed chwith dros y blynyddoedd.⚽️

⬇️Gair gan Dan⬇️

“Biti i weld ffrind a rhan fawr o’r clwb dros y blynyddoedd diwethaf yn symud ’mlaen. Ond gweld dim bai ar Dyl yn mynd nôl i chwarae tra mae o dal yn gallu, gyrfa pêl-droed yn un byr sydd angen ei fwynhau.Dwi’n dymuno pob lwc iddo, mae Penrhyn yn cael chwip o chwaraewr a chymeriad sydd yn allweddol i unrhyw dîm. Diolch Dyl. “

Pob lwc am y tymor Dylan,edrych ’mlaen i dy weld fel cefnogwr ym Maes Dulyn tymor yma.⚽️

#cmonyfêl

Poblogaidd

Digwyddiadau

Gŵyl

Marchnad Lleu

Neuadd Goffa Penygroes

10:00, 18 Mai (Roedd ‘na ddigon i wneud yn y Farchnad mis Ebrill rhwng y stondinau amrywiol – caws gafr, llysiau, cacennau, crefftau a phlanhigion. Daeth Tyddyn Teg o Fethel i werthu llysiau a rhannu gwybodaeth am eu cynllun Bocsus Llysiau. Mae sawl maint ar gael a gellir archebu a mi fydd yn bosib eu codi o’r Farchnad. Yn y Caffi roedd cyfle i gael brecwast o roliau bacwn neu wy ac yna cinio o chili llysiau, pizza cartref hefo madarch neu lysiau – a blasus oeddent ‘fyd. Gwerthwyd sawl cacen hefo paneidiau o de a choffi. Bwrdd rhannu gwybodaeth mis yma oedd ‘Gofyn i Mi’, o dan ofal Sian sy’n gweithio i fudiad Cymorth i Ferched. Roedd ganddi bosteri, cardiau a chyfle i rannu gwybodaeth ar pa gymorth sydd ar gael i oresgyn trais yn y cartref. Diolch iddi am ddod atom. Daeth criw at eu gilydd i stafell Yr Aelwyd i ddysgu dawnsio Salsa hefo Josie, rhaid oedd symud y traed gan gyfri a chofio pob math o symudiadau (sôn am chwerthin!) Mae sawl un o’r criw am fynd i Glwb Salsa Bangor gan eu bod wedi joiio cymaint. Stondin y Mis oedd prosiect Gardd Nant sydd wedi cychwyn yn Nhalysarn. Cafwyd cyfle i drafod y prosiect tra’n prynu tombola, llyfrau a chydig o waith llaw. Gobeithio eu bod wedi cael lot o bres ar gyfer eu cynlluniau. Yn y neuadd fawr cynhaliwyd cystadleuaeth plannu hadau blodau haul a bydd yn cael ei feirniadu fis Medi. Rhannwyd taflen i ddangos pwysigrwydd y planhigyn i ni. Hefyd yn y neuadd roedd Gwyneth wedi gadael ei bwrdd gwerthu – Bocssebon, i ddangos sut i wneud papur yn defnyddio papur wedi’i falu’n fân, dail a hâd a dwr. Pawb wedi mwynhau ac yn browd iawn o’u papur. Diddorol iawn wir. Diolch i’r stondinwyr am ddod atom ac i bawb am gefnogi eich marchnad leol.m ddim)