Etholiad 2019 – Blog byw o’r cownt yn Arfon

Rhagfynegiadau

Mae Tomos a finnau yn rhagfynegi mai Plaid Cymru fydd yn cymryd sedd Arfon, ond y bydd Llafur yn gystadleuaeth gref iawn. Bydd y cwbl yn cael ei ateb o fewn ychydig oriau!

Dim golwg o Steffie Williams (Llafur), na Gary Gribben (Plaid Brexit) yng Nghaernarfon. Hywel Williams a Gonul Daniels wrthi’n trafod gyda eu cefnogwyr.

Yr ail ymgeisydd Gonul Daniels wedi cyrraedd ac wrth ei bodd gyda rhagfynegiad ledled Prydain, ond yn siomedig nad oes yr un gefnogaeth i’r Ceidwadwyr yma yn Arfon.

Maint y bleidlais yn Arfon:

Nifer yr etholwyr – 42,215

Nifer sydd wedi pleidleisio – 29,166

Canran sydd wedi pleidleisio – 69.09%
(68.2% wedi pleidleisio yn 2017)

Y si yma’n Arfon yw ei bod hi’n edrych yn addawol i Plaid Cymru

Hywel Williams yw’r unig ymgeisydd yn y ganolfan ar hyn o bryd, ac yn brysur yn siarad gyda’r wasg. Dipyn o gefnogwyr Llafur yma, ond dim llawer o’r Ceidwadwyr na’r blaid Brexit i’w gweld.

Tomos a minnau wedi cael sgwrs ddiddorol hefo Hywel Williams, lle’r oedd yn obeithiol am y canlyniadau heno yn Arfon, ac wedi disgrifio’r ymgyrch fel un o’i rai taclusa’ o’i yrfa.

Ymgeisydd Plaid Cymru Hywel Williams wedi cyrraedd. Yr ymgeisydd cyntaf hyd yn hyn.

Os di Arfon yn troi’n goch heno o ganlyniad i bleidleisio tactegol / pleidleisio ‘dros Corbyn’… ydi o rili werth o rwan?! Jest cwestiwn.

— Gethin Griffiths (@gethingriffiths) December 12, 2019

Yn brysur yma yng Nghaernarfon, bocsys yn hedfan i mewn. Pwy sydd ar y blaen dybed?