Clwb Darllen Newydd!

Mae ’na glwb darllen newydd wedi ei sefydlu yn Rhostryfan.

Owain Ynyr
gan Owain Ynyr
peretzp (CC BY-SA 2.0)

Ydych chi’n hoffi darllen?

Ydych chi’n hoffi cymdeithasu?

Wel, os ydych chi, mae ’na glwb darllen newydd wedi ei sefydlu yn Rhostryfan a’r bwriad fydd cyfarfod ar nos fawrth olaf pob mis.

Bydd cyfarfod cyntaf y clwb, nos Fawrth, 24ain o Fedi, yng nghapel Horeb am 7.30pm.

Y llyfr fydd yn cael sylw noson honno ydy cyfrol fuddugol Gwobr Goffa Daniel Owen eleni,  “Carafanio” gan Guto Dafydd.

Bydd cyfle i drafod ac i roi eich barn ar y gyfrol.

Croeso cynnes i bawb ac fe fydd paned ar gael.

Am fwy o fanylion, cysylltwch â Siwan Thomas, 01286 830851 neu siwan_mair@hotmail.com

 

 

Poblogaidd

  1. 1 Eisteddfod Agored Llanllyfni
  2. 2 Marchnad Lleu
  3. 3 Disgybl Ysgol Dyffryn Nantlle ar Gae Ras Wrecsam
  4. 4 Blas ar wynt y môr
  5. 5 Marchnad Lleu

Digwyddiadau

Gŵyl

Marchnad Lleu

10:00, 18 Mai (Roedd ‘na ddigon i wneud yn y Farchnad mis Ebrill rhwng y stondinau amrywiol – caws gafr, llysiau, cacennau, crefftau a phlanhigion. Daeth Tyddyn Teg o Fethel i werthu llysiau a rhannu gwybodaeth am eu cynllun Bocsus Llysiau. Mae sawl maint ar gael a gellir archebu a mi fydd yn bosib eu codi o’r Farchnad. Yn y Caffi roedd cyfle i gael brecwast o roliau bacwn neu wy ac yna cinio o chili llysiau, pizza cartref hefo madarch neu lysiau – a blasus oeddent ‘fyd. Gwerthwyd sawl cacen hefo paneidiau o de a choffi. Bwrdd rhannu gwybodaeth mis yma oedd ‘Gofyn i Mi’, o dan ofal Sian sy’n gweithio i fudiad Cymorth i Ferched. Roedd ganddi bosteri, cardiau a chyfle i rannu gwybodaeth ar pa gymorth sydd ar gael i oresgyn trais yn y cartref. Diolch iddi am ddod atom. Daeth criw at eu gilydd i stafell Yr Aelwyd i ddysgu dawnsio Salsa hefo Josie, rhaid oedd symud y traed gan gyfri a chofio pob math o symudiadau (sôn am chwerthin!) Mae sawl un o’r criw am fynd i Glwb Salsa Bangor gan eu bod wedi joiio cymaint. Stondin y Mis oedd prosiect Gardd Nant sydd wedi cychwyn yn Nhalysarn. Cafwyd cyfle i drafod y prosiect tra’n prynu tombola, llyfrau a chydig o waith llaw. Gobeithio eu bod wedi cael lot o bres ar gyfer eu cynlluniau. Yn y neuadd fawr cynhaliwyd cystadleuaeth plannu hadau blodau haul a bydd yn cael ei feirniadu fis Medi. Rhannwyd taflen i ddangos pwysigrwydd y planhigyn i ni. Hefyd yn y neuadd roedd Gwyneth wedi gadael ei bwrdd gwerthu – Bocssebon, i ddangos sut i wneud papur yn defnyddio papur wedi’i falu’n fân, dail a hâd a dwr. Pawb wedi mwynhau ac yn browd iawn o’u papur. Diddorol iawn wir. Diolch i’r stondinwyr am ddod atom ac i bawb am gefnogi eich marchnad leol.m ddim)