gan
Clwb Ffermwyr Ifanc Dyffryn Nantlle
Dros wythnos ers y diwrnod mawr ac rwy’n edrych yn ol gydag atgofion o’r diwrnod prysur.
Er iddi fod yn ddiwrnod hir ofnadwy – dros 15 awr o gystadlu a dathlu – bu i ni fwynhau dros ben. Roedd yr haul wedi dod allan yn Rowen, a phawb yn barod amdani.
Daeth y clwb yn 9fed ar ddiwedd y cystadlu, ond bu i ni orffen ar y podiwm yn bron i bob cystadleuaeth oedden yn cystadlu ynddo, felly da iawn wir.
Dyma’r canlyniadau:
1af – Anni a Tesni, Gem y cenedlaethau iau
1af – Elen, Sialens y Cadeiryddion
1af – Gethin a Sion, Welis Welis Welis
2il – Dawnsio
2il – Elan Mair, Canu unigol
3ydd – Canu grŵp
3ydd – Elan, Tesni a Elin, Ar y newyddion
3ydd – Llyfr Lloffion
3ydd – Sion B a Anna, Gem y cenedlaethau hŷn
3ydd – Sion B, Ras y Ffermwr
4ydd – Arddangosfa fawr
4ydd – Anni, Gosod blodau
Diolch yn fawr i bawb a gynorthwyodd y clwb mewn unrhyw ffordd gyda pharatoadau’r Rali, a diolch yn fawr i Bwn Jackson am y lluniau, gellir gweld mwy o luniau ar dudalen facebook Ffermwyr Ifanc Eryri, ynghyd a’r holl ganlyniadau.