![Tîm Llanllyfni](https://360.scdn8.secure.raxcdn.com/ased/sites/5/2024/05/6bfcf6a6-ee0d-41c5-adfc-a354e32c34b0-640x396.jpg?v)
Tîm Llanllyfni
![Tîm Llanllyfni](https://360.scdn8.secure.raxcdn.com/ased/sites/5/2024/05/07c561b8-5862-4528-96d1-caf71fbfa765-308x411.jpg?f)
Tîm Llanllyfni
Ar y 3ydd o Fai cafodd criw o blant blwyddyn 4, 5 a 6 Ysgol Llanllyfni gyfle i chwarae pêl-droed mewn twrnament 5 bob ochr ym Mhlas Silyn, Penygroes.
Roedd Ysgol Llanllyfni yn cystadlu yn erbyn 6 ysgol arall; Bodfeurig, Manod, Cefn Coch, Llanbedrog, Gwaun Gynfi a Garndolbenmaen.
Chwaraeodd Morgan fel gôl-geidwad arbennig gan rwystro llawer o beli rhag gyrraedd cefn y rhwyd. Sgoriodd Tomos, Celt ac Efa goliau gwych a sgoriodd Ioan ddwy gôl fendigedig. Chwaraeodd Oliver, Gwion, Cafan a Gwydion yn gadarn drwy’r dydd.
Llwyddodd y tîm i gyrraedd rownd yr 8 olaf am y tro cyntaf erioed. Yn anffodus, colli o dair gôl i ddim yn erbyn Ysgol Bro Llifon oedd eu hanes.
Diolch i blant blwyddyn 9 Ysgol Dyffryn Nantlle am ddyfarnu’r holl gemau.
Llongyfarchiadau i dîm cymysg Ysgol Bethel ac i dim genethod ysgol Pen y Bryn, Bethesda am ennill.